១. ព្យាបាលអាការៈមករដូវមិនទៀង
ស្ត្រីដែលមករដូវមិនទៀង, មានការឈឺចាប់ពេលមករដូវគួរតែទទួលទានប្រេងគល់ស្លឹកគ្រៃ ២-៣ដំណក់លាយជាមួយម្រេចខ្មៅម៉ត់បន្តិច, លាយចូលគ្នាឲ្យរាវ រួចទទួលទាន, ហើយអ្នកក៏អាចយកគល់ស្លឹកគ្រៃកិនយកទឹក, រួចទទួលទាន ដើម្បីកាត់បន្ថយការឈឺចាប់ពេលមករដូវ និងជួយឲ្យការមករដូវទៀងទាត់វិញ។
២. ថ្នាំស្ពឹក
គល់ស្លឹកគ្រៃអាចជួយកាត់បន្ថយការឈឺចាប់ដូចជា៖ ឈឺធ្មេញ, ឈឺសាច់ដុំ, ឈឺសន្លាក់ដៃជើង ឬឈឺចាប់ត្រង់កន្លែងផ្សេងៗទៀតនៃរាងកាយ ដូចជា៖ ឈឺខ្នង, ឈឺក្បាល។
យកប្រេងគល់ស្លឹកគ្រៃលាយជាមួយនឹងប្រេងដូង បន្ទាប់មកលាបត្រង់កន្លែងឈឺចាប់ ឬកន្លែងហើម ដើម្បីបំបាត់ការឈឺចាប់បានយ៉ាងមានប្រសិទ្ធិភាព។ ក្នុងករណីមានការឈឺចាប់ខ្លាំង, ទាមទារឲ្យមានការរំងាស់គល់ស្លឹកគ្រៃយូរ។
៣. ជួយកាត់បន្ថយការលើសឈាម
គល់ស្លឹកគ្រៃនឹងជួយកាត់បន្ថយការលើសឈាមបានយ៉ាងមានប្រសិទ្ធិភាព។ វាជួយបង្កើនចរាចរណ៍ឈាម និងជួយកាត់បន្ថយរាល់បញ្ហាលើសឈាមទាំងអស់។ អ្នកជំនាញបានណែនាំថា នៅពេលអ្នកឡើងឈាម, អ្នកអាចផឹកទឹកគល់ស្លឹកគ្រៃមួយកែវ នោះវានឹងជួយសម្រកឈាមបានយ៉ាងល្អ។
៤. ជំនួយដល់ប្រព័ន្ធសរសៃប្រសាទ
គល់ស្លឹកគ្រៃមានប្រសិទ្ធិភាពយ៉ាងខ្លាំងនៅក្នុងការជួយព្យាបាលបញ្ហាសរសៃប្រសាទមិនប្រក្រតីដូចជា៖ ជំងឺបាត់បង់ការចងចាំ, ជំងឺប្រព័ន្ធសរសៃប្រសាទ, ជំងឺបេះដូង, ឆាប់ភ័យ, វិលមុខ, ដំណើរញ័រ…ប្រេងគល់ស្លឹកគ្រៃអាចជួយពង្រឹង និងបង្កើនមុខងារនៃប្រព័ន្ធសរសៃប្រសាទ។
៥. កម្ចាត់ជាតិពុលបានយ៉ាងមានប្រសិទ្ធិភាព
គល់ស្លឹកគ្រៃអាចជួយបង្កើនការនោមញឹក, ជំនួយដល់ថ្លើម, បំពង់ក្រពះពោះវៀន, តម្រងនោម, លំពែង, និងជួយសម្អាតប្លោកនោម ដោយការកម្ចាត់សារធាតុពុល និងអាស៊ីតអ៊ុយរិចចេញពីក្នុងរាងកាយ។ ដូច្នេះ គល់ស្លឹកគ្រៃត្រូវបានគេយកធ្វើជាឱសថកម្ចាត់ជាតិពុលចេញពីរាងកាយ។
៦. ប្រឆាំងនឹងជំងឺគ្រុនផ្តាសាយ
អ្នកអាចប្រើគល់ស្លឹកគ្រៃដើម្បីព្យាបាលជំងឺគ្រុនចាញ់, ផ្តាសាយ និងរងារ។ អ្នកអាចទទួលទានគល់ស្លឹកគ្រៃទាំងស្រស់ ឬបុកយកទឹកដើម្បីផឹក។ នេះជាវិធីសាមញ្ញ ដែលអ្នកមិនចាំបាច់ត្រូវទៅជួបវេជ្ជបណ្ឌិត ឬទៅទិញថ្នាំ។
៧. ជួយសម្លាប់មេរោគផ្សិត
ប្រេងដែលចម្រាញ់ចេញពីគល់ស្លឹកគ្រៃអាចជួយសម្លាប់មេរោគផ្សិត និងការពារការលូតលាស់របស់វា។ ដូច្នេះ គល់ស្លឹកគ្រៃមានអត្ថប្រយោជន៏ប្រឆាំងនឹងមេរោគផ្សិតនៅក្នុងត្រចៀក, ច្រមុះ និងបំពង់ក។
៨. ប្រឆាំងនឹងបាក់តេរី
គល់ស្លឹកគ្រៃមានផ្ទុកនូវសមាសធាតុផ្សំជាច្រើនដែលមានសមត្ថភាពក្នុងការសម្លាប់បាក់តេរី និងការពារការរីកដុះដាលរបស់បាក់តេរី។ ដូច្នេះ គល់ស្លឹកគ្រៃជួយការពារការឆ្លងមេរោគនៅក្នុងរបួស, ពោះវៀនធំ, ទ្វារនោម, ប្លោកនោម, ក្រពះ, ពោះវៀន, ប្រូស្តាត និងតម្រងនោមបានយ៉ាងមានប្រសិទ្ធិភាពបំផុត។
៩. ការពារជំងឺមហារីក
យោងតាមការសិក្សាស្រាវជ្រាវមួយចំនួនបានឲ្យដឹងថា សមាសធាតុនៅក្នុងគល់ស្លឹកគ្រៃអាចជួយសម្លាប់កោសិកាមហារីក និងមិនប៉ះពាល់ដល់កោសិកាផ្សេងៗ។ អ្នកជំនាញបានណែនាំឲ្យប្រើគល់ស្លឹកគ្រៃដាក់ក្នុងអាហារ ឬទទួលទានទឹកភេសជ្ជៈចម្រាញ់ពីគល់ស្លឹកគ្រៃជំនួសតែក្រូចឆ្មាវិញ។
ក្រៅពីនេះ តាមការសិក្សាជាច្រើនផ្សេងទៀតបង្ហាញថា គល់ស្លឹកគ្រៃមានផ្ទុកនូវសារធាតុប៉ែតា-ការ៉ូតេអ៊ីន ដែលប្រឆាំងនឹងអុកស៊ីតកម្ម, ជួយការពារខ្លួនអ្នកពីជំងឺមហារីក។
១០. ជួយសម្រួលដល់ប្រព័ន្ធរំលាយអាហារ
តែគល់ស្លឹកគ្រៃ ឬប្រេងគល់ស្លឹកគ្រៃអាចជួយកាត់បន្ថយអាការៈឈឺពោះ, ឆ្អល់ក្តៅដង្ហើម, ហើមពោះ, ចង់ក្អួត, ក្អួតចង្អោរ និងរាករូស, ហើយវាក៏អាចជួយកាត់បន្ថយបញ្ហាខ្យល់ដក់ក្នុងពោះផងដែរ ព្រោះវាមានសមត្ថភាពជួយកាត់បន្ថយសាច់ដុំក្នុងពោះ៕
